"Нефтчи": Ёшларимиздан ғалаба

Ўртоқлик мақомига эга бўлган беллашувда Баҳром Ҳайдаров бошчилигидаги фарғоналиклар йирик 3:0 ҳисобида ғалабага эришишди. Майдон эгаларидан голларга Хуршид Асқаралиев, Анвар Абдулҳақов ҳамда Абдуқодир Ортиқовлар муллифлик қилишди.

20 февраль. Фарғона БЎСМ майдони. Назорат ўйини.
“Нефтчи” – “Андижон” 3:0 (1:0)
Голлар: 1:0 - Хуршид Асқаралиев, 2:0 - Анвар Абдулҳақов, 3:0 - Абдуқодир Ортиқов.

“Нефтчи” мухлислари учун яна бир яхши хабар. Яқинда “Нефтчи” жамоасининг янги фарм-клуби ҳам ўз фаолиятини бошлади. Ўз таркибида асосан 1998 ҳам 2000-йиллардан туғилган болаларни жамлаган “Нефтчи” фарм-клуби ҳам 20 февраль куни илк учрашувини ўтказди. Андижон вилоятининг “Асака СК” жамоасига қарши кечган беллашувда ёш фарғоналиклар йирик 11:2 ҳисобида ўз зафарларини нишонлашди.