"Нефтчи": Ўринбосарларимиз мавсумни ғалаба билан бошлашди

Учрашувнинг биринчи бўлими тенг куршалар остида ўтди. Аввалига мезбонлар бироз устунлик қилган бўлса, тайм охирига келиб ташаббус “Нефтчи” футболчилари томонига ўтди. Танаффусга Сергей Ковшов шогирдлари яхши кайфиятда чиқиб кетишлари мумкин эди. Лекин ҳар сафар омад фарғоналик ёшлардан юз угирди. Бир ҳолатда эса мезбонлар ҳимоячиси тўпни дарвоза чизиғидан қайтариб қолди.

Иккинчи бўлим ҳам худди биринчиси каби тенг курашлар остида бошланди. Ҳар икки жамоа кетма кет хавфли вазиятларни яратишди.

62-дақиқага келиб учрашувда ҳисоб очилди. Бурчакдан оширилган тўпни Достон Турсунов боши билан рақиб дарвозасига жойлаб қўйди – 0:1.

68-дақиқада мезбонлар томонидан амалга оширилган жарима зарбасини Абдужалилов қийинчилик билан бартараф этди.

88 -дақиқада Носир Отақўзиевнинг зарбаси дарвоза тусинига тегиб қайтди.

Қолган дақиқаларда ҳар икки жамоа гол киритиш учун яхши вазиятларга эга бўлишди. Бироқ шу куни мухлисларга бошқа гол куриш насиб этмади. Ўринбосарларимиз мавсумни ғалаба билан бошлашди.

Ёшлар лигаси
1-тур

"Бухоро" - "Нефтчи" 0:1
Гол: Достон Турсунов 62.
"Нефтчи": Мавлон Абдужалилов, Максимилиан Фомин, Достон Турсунов, Игорь Петкович, Вячеслав Понамарёв (Нодир Комолов 63), Иззатбек Ғаниев, Музаффар Музаффаров (Мурод Бобожонов 74), Жавоҳир Расулов, Сайдулло Раҳматов, Отабек Зокиров, Носирбек Отақўзиев.