Назорат учрашуви. "Бунёдкор" - "Динамо" 2:1

Ушбу баҳсдан бир кун олдин асосий таркиб футболчилари “Металлург”га қарши майдонга тушганликлари боис, “Бунёдкор”га қарши ўйинда мураббийлар штаби асосан ёш футболчилар ва захирадаги ўйинчиларга имконият беришди.

Ўйин “Динамо” жамоасининг ҳужумлари остида бошланиб, 22-дақиқада Анвар Муродов голи билан Самарқанд жамоасини ҳисобда олдинга чиқарди, 0:1.

Иккинчи бўлимда эса мезбонлар ҳужумкорликни ошириб, 50-дақиқада Ойбек Ҳамидовнинг голи эвазига мувозанатни тиклашди, 1:1.

Ўйин якуни тобора икки томонда ҳам ғалабани илиб кетиш имконияти бўлди. Бундан Вадим Абрамов шогирдлари унумли фойдаланишди. 90+1-дақиқада Нозим Рустамовнинг голи назорат баҳсида “Бунёдкор”га ғалаба келтирди, 2:1.

«Динамо» жамоаси 31 январь куни Тошкентда яна бир назорат баҳсини ўтказишни режалаштирган.

Назорат учрашуви.
Тошкент, “Бунёдкор” академияси.
“БУНЁДКОР” – “ДИНАМО” – 2:1 (0:1)
Голлар: Ойбек Ҳамидов 50, Нозим Рустамов 90+1 - Анвар Муродов, 22.
“Динамо”: Шоҳруҳ Раимов, Комил Шарофутдинов, Обид Ҳакимов, Жасур Ҳамроев, Меҳрож Худойбердиев, Ҳумоюн Толибов, Жасур Ашуров, Муҳиддин Одилов, Суннатилла Абдуллажонов, Анвар Муродов, Далер Алмосжонов.