"Навбаҳор"га легионер дарвозабон келиши кутилмоқда

Биринчи навбатда, жамоага тажрибали дарвозабон жалб этиш масаласи кўриб чиқилмоқда. Кеча Мурод Зуҳуров ва Маъмур Икромовлар билан музокаралар ўтаётганлигини айтиб ўтгандик. Шунингдек, "Локомотив"ни тарк этган Тимур Жўраевга ҳам "Навбаҳор" қизиқиш билдирмоқда.

Янги олинган маълумотларга қараганда, жамоа ҳимоячиси Юрий Рижко ўз ватани саналган Белоруссиядан дарвозабон олиб келмоқчи. Куни кеча клуб раҳбарияти ушбу дарвозабон иштирокида ўйинларнинг видеотасмасини кўришган. Бундан ташқари, "Динамо"нинг украиналик посбони Андрей Мельничук номзоди ҳам кўриб чиқилмоқда. Шу икки дарвозабондан бири якунда "Навбаҳор" либосини кийиши мумкин.