"Навбаҳор" Тўхтасиновга ойига 100 миллион сўм маош таклиф қилди"
06 dec 2021 16:44
News

"Навбаҳор" Тўхтасиновга ойига 100 миллион сўм маош таклиф қилди"

"Бунёдкор" клуби бош директори Улуғбек Мирзаев championat.asia сайтига жонли эфирда интервью берди.

Интервью жараёнида Мирзаев трансфер хабарлари ҳақида ҳам гапирди.

"Навбаҳор" клуби "Бунёдкор" ярим ҳимоячиси Нурилло Тўхтасиновга таклиф билан чиқибди. Эшитишимга қараганда Наманган клуби Тўхтасиновга ойига 100 миллион маош таклиф қилибди. Лекин "Навбаҳор" клубининг биздан 35 миллион сўм қарзи бор. Бунга ҳам 2 йилдан ошиб кетди. Шу йил ёзда бу масала кўтарилганида бизга озгина муҳлат беринглар, молиявий муаммолар бор дейишди. Қачонгача муҳлат берайлик деганимда йил охиригача дейишди. 35 миллион сўмни бериш учун 6 ой муҳлат сўраган клуб қандай қилиб футболчига ойига 100 миллион сўм маош бермоқчи?", - деди Улуғбек Мирзаев.