"Навбаҳор" Паншанбе жамоани тарк этганини тасдиқлади

Футболчи фаолиятини Эроннинг “Зоб Ахан” клубида давом эттирадиган бўлди. Паншанбе “Навбаҳор” таркибига 2020 йилнинг 2-даврасида Тожикистоннинг “Истиқлол” клубидан келиб қўшилганди. 

Тожикистонлик ярим ҳимоячи Ўзбекистон Coca Cola Суперлигаси баҳсларида “лочинлар” таркибида 43 та ўйинда майдонга тушиб, 2723 дақиқа тўп тепган ҳолда, рақиблар дарвозасига 2 та гол уриб, 2 та голга ассистентлик қилди. Жорий мавсумда Эҳсони 7 та ўйинда майдонга тушиб, 75 дақиқа ўйнади. 

Аввалроқ Championat.asia сайти Паншанбенинг клубдан кетгани ҳақида хабар берганди.