“Навбаҳор” - “Нефтчи” ўйини олдидан. Комилжон Икромов: Баҳс ҳақиқий томошабоп ўйин бўлиши табиий

- Шиддатли кечиши кутилаётган водий дербиларидан бири айнан бу турда Наманганда бўлиб ўтади. “Навбаҳор” жамоаси ҳозирда ажойиб ўйин намойиш этишни бошламоқда. Бунда Бахтиёр Ашурматовнинг меҳнатлари ётибди десак муболаға болмайди. Жамоа ўз сафига бир қанча тажрибали ўйинчиларни жалб этди.

Булар сафида “Нефтчи”нинг собиқ аъзолари ҳам бор. Айнан бу сафарги водий дербисида шу ўйинчилар икки ҳисса куч билан ўйнашлари табиий. Фарғоналиклар ҳам 2 турдан бери ғалаба нималигини билмай келмоқда. Жамоа устози Мурод Исмоилов ҳам бу турда қўл қовуштириб ўтирмасликка ҳаракат қилиши аниқ. Чунки Фарғоналик мухлислар ўз суюклиларидан фақат ва фақат ғалаба кутишади.

Шу боис “Навбахор” – “Нефтчи” баҳси ҳақиқий томошабоп ўйин бўлиши табиий. Стадионга ташриф буюрган муҳлислар келганликларига яраша чиройли ўйин бўлишини хоҳлашади. Бу баҳс шундай руҳда ўтади, - дейди Комилжон Икромов.