"Навбаҳор" ҳужумчиси Руслан Болов нима учун "Пахтакор" билан ўйнамагани маълум
28 feb 2020 12:34
News

"Навбаҳор" ҳужумчиси Руслан Болов нима учун "Пахтакор" билан ўйнамагани маълум

Суперлиганинг 1-турида "Навбаҳор" Тошкентда "Пахтакор"га қарши ўйин ўтказди.

"Навбаҳор"нинг россиялик легионери Руслан Болов кеча бўлиб ўтган баҳсни дисквалификация сабаб ўтказиб юборди. Бу ҳақда ПФЛ бош директори ўринбосари Диёр Имомхўжаев шахсий телеграм каналида маълум қилди.

У ўзи тўп тепган Беларусь чемпионатининг уч ўйинидан четлатилган бўлиб, қарор ижроси ҳали бажарилмаганди. Шундан келиб чиқиб, у олдиндаги яна икки учрашувда "лочинлар"га ёрдам бера олмайди. Маълумот учун, "Навбаҳор" Суперлигада 2-турни ўз майдонида "Локомотив"га қарши ўтказса, 3-турда Андижонда меҳмон бўлади.

Эслатиб ўтамиз, 1994 йилда туғилган Болов 2019 йилда Беларуснинг “Гомель” клуби шарафини ҳимоя қилган. Футболчи "Навбаҳор" билан 2020 йил охирига қадар шартнома тузган.