"Навбаҳор" бугун “Динамо” билан ўйнайди

Футболчилар кунига икки маҳалдан ташкил этилаётган машғулотларда қатнашишмоқда. Кунинг биринчи ярмида асосий эътибор жисмоний тайёргарликни оширишга қаратилмоқда. Кечки машғулотлар эса Қибрайдаги ўқув-машғулот базасида ташкил этилмоқда. Табиий чим билан қопланган майдондаги машғулотларда жамоа аъзолари кўпроқ тўп билан ишлашмоқда.

Хабарингиз борки, жамоа назорат ўйинларида ҳам майдонга тушиб, ўйин амалиётини шакллантириб бормоқда. Бугун навбатдаги назорат учрашуви ўтказилади. Бу сафар "Навбаҳор"га бир йиллик танаффусдан кейин яна олий лигага қайтган Самарқанднинг “Динамо” клуби рақиблик қилади. Самарқандликларга қарши ўйин 12 февраль куни соат 11.00д “Оқ-тепа” ўйингоҳида бошланади.