"Навбаҳор" 9 нафар футболчи билан хайрлашганини маълум қилди

Шу боис, Суперлиганинг барча клубларида ўзгаришлар бўлиши табиий. Мазкур ўзгаришлар албатта, "Навбаҳор"га ҳам тегишли.

Олдинроқ "лочинлар"нинг сербиялик 29 ёшли ҳужумчиси Зоран Марушич жамоани тарк этганини маълум қилгандик.

Шунингдек, жамоанинг яна бир қатор футболчилари янги мавсумни бошқа клубларда давом эттиришга қарор қилишди. Қуйида шу ҳақда тўхталамиз.

"Навбаҳор" таркибини дарвозабон Раҳимжон Давронов, ҳимоячилар Рустам Ашурматов, Боян Цигер, Станислав Андреев, ярим ҳимоячилар Азимжон Аҳмедов, Нурилло Тўхтасинов,  Диёржон Туропов ва қирғизистонлик 32 ёшли ҳужумчи Мирлан Мурзаев, шунингдек, Наманган клубида ижара асосида тўп тепган россиялик 33 ёшли ҳужумчи Александр Касьян тарк этди.

Бу ўйинчилардан Рустам Ашурматов ("Рубин", Россия), Боян Цигер ("Кедах", Малайзия) ва Мирлан Мурзаев ("Мохаммедан", Ҳиндистон) ўз фаолиятини хориж клубларида, қолганлари эса юртимиз жамоаларида давом эттиради.