Мюллер: "Бавария" уйга яхши кайфиятда қайтади"
06 feb 2023 12:04
News

Мюллер: "Бавария" уйга яхши кайфиятда қайтади"

"Бавария" ҳужумчиси Томас Мюллер Бундеслиганинг 19-туридан ўрин олган "Вольфсбург"га қарши ўйиндаги ғалаба (4:2) ҳақида фикр билдирди.

"Охир-оқибат биз бунга эришдик. Бу ўйинда кўп нарса бўлди. Бизда шундай ташналик, ғалаба қозониш истаги борлигини кўрдингиз. Биз учун ажойиб старт бўлди. Ўйин шундай кечдики, ҳаммаси иш берди. Аммо танаффус олдидан гол ўтказиб юборсангиз, вазият ўзгаради. Қизил карточка бизга куч қўшмади, албатта. Тўртинчи гол жуда муҳим эди.
Бироқ мен кучайиш учун имконият кўряпман. Хуллас, ғалаба қозондик, ўйлайманки, бунга тўла ҳақли эдик. Уйга яхши кайфиятда қайтамиз, мусобақа жадвалида 1-ўринга кўтарилиб олдик. Энди олға қадам босамиз – қизиқарли ҳафталар ҳали олдинда", – деди Мюллер.

Олдинроқ Мюллер "Бавария"да ўтказилган ўйинлар бўйича Герд Мюллернинг рекордини такрорлаган эди.

Link :

Source : fcbayern.com

Receive latest football news directly on your phone. Subscribe for our Telegram channel!

Rating: +2