МЮ футболчисининг агенти: "Роналдунинг келиши биз учун ёмон хабар"

"Криштиану МЮга ўтди ва биз учун ёмон хабар. Погба чап томонда ўйнайди. Роналдунинг келиши бу ярим ҳимоячилар сони яна биттага ортганини англатади.

Биз Сульшер ва МЮ раҳбарияти билан гаплашдик. Биз янги клуб қидирдик, Донни "Эвертон"га ўтиши мумкин эди. Бу клуб билан музокара бошладик.

Душанба куни кечқурун, трансфер ойнаси ёпилишига бир неча соат қолганида Сульшер қўнғироқ қилди. Бу трансфер амалга ошмаслигини ва эрталаб Донни машғулотга келишини маълум қилишди.

Донии – Англия лига кубоги, Англия кубоги ёки еврокубокларда ўйнайдиган футболчи эмас. Ван де Бек Англияга АПЛда ўйнаш учун келган.

Ўйлашимча Донни бу мавсум кўпроқ имкониятга эга бўлади.

Донни кўп ишлади ва атиги 7 кун дам олди холос. Қолган вақтда у топ-формага кириш учун шуғулланди. У тайёр", – дейди Альберс Ziggo Sport нашрига.

Эслатиб ўтамиз, ван де Бек бу мавсум МЮ сафида майдонга тушгани йўқ. АПЛ доирасидаги учала ўйинда ҳам у захирада қолди.