Мурод Исмоилов: "Омад келмаса қийин экан"

"Ўйинда яна ўша вазиятлардан фойдала олмаслик бизга қимматга тушди. Бир нечта вазият яратдик, ўзинглар кўрдинглар тўп дарвозага киришни истамади", - деб гап бошлади Исмоилов.

"Отабек Зокиров ва Отабек Исроилов майдонга тушгач ўйин ўзгариб кетди. Улар кеча ёшлар лигасида ҳам ўйнашганди. Шу боис бугун тўлиқ ўйнай олишмасди. Биз ишонган тажрибали футболчилар ўзларини кўрсата олишмаяпти, энди ёшларга кўпроқ имкон беришга қарор қилдим".

"Тўғри мухлисларимиз биздан ҳар бир турда ғалаба кутишади. Аммо мураббий сифатида амалда бажаришимиз керак бўлган вазифалардан оғишиб кетсам яна аввалга ҳолатимизга қайта олмаймиз. Мен мураббий сифатида қўлимдан келган барча ишни қилаяпман. Футболда доим ҳам ўхшайвермайди. Юксак даражадаги футболчилар билан ҳам натижага эриша олмаслик ҳолатлари кузатилган. Футболчилар роса ҳаракат қилишди, аммо омад келмади".

"Бирдагина таркибни ёшартириб юборсак ҳам қийин бўлади, аста-секин уларни майдонга тушириб бориш керак. Биринчи даврани охиригача 7-8 та ёшларни таркибга қўшаман. Маҳаллий, ғайратли ва футбол ўйнашни хоҳлаётган футболчиларга кўпроқ эътибор қаратаман. Лекин, натижа бирданига бўлмайди", - дейди Мурод Исмоилов.