Муҳсин Муҳаммадиев: "Менимча биринчи гол урилганда ўйин қоидаси бузилганди"

"Пахтакор"ни ғалаба билан табриклайман. Бугун 66-дақиқага қадар ёмон ўйнамадик. Ўша вазиятда урилган голни кўриб чиқиш керак. Ҳозирча такрорий вазиятни кўрмадим, баъзи саволларимиз бор. Умуман олганда жамоам олдиндан тайёрланган режа бўйича тўғри ўйнади. Замонавий футболда вазиятлар, тўп билан муомала қилишдаги устунлик ҳисобланмайди", - дейди Муҳсин Муҳаммадиев.

- Голгача ва голдан кейин "Бухоро" икки хил футбол ўйнади. Нимага?
- Сабаби биринчи гол футболчиларга таъсир қилди. Балки йигитлар тушкунликка тушиб қолишгандир. Менимча ўша вазиятда ўйин қоидаси бузилган эди.

- "Бухоро"да Липартия, Капор каби яхши легионерлар бор. Аммо негадир ўйин яхши чиқмаяпти.
- "Пахтакор" бугунги кунда таркиб бўйича барчадан кучли. Уларга қарши очиқ футбол намойиш эта олмаймиз. Бугун биз жуда тўғри тактика танлагандик. Агар ўша биринчи гол бўлмаганида "Пахтакор"га қийин бўларди. Тўғри биз кам ҳужум қилдик, аммо такрорлайман "Пахтакор"га қарши ҳужумкор ўйнай олмаймиз.