МТЖ тўлиқ таркибда машғулот ўтказди
22 mar 2016 22:00
News
![](https://championat.asia/upload/storage/202291_original.jpg)
![](/upload/storage/202291_220.jpg)
МТЖ тўлиқ таркибда машғулот ўтказди
Ўзбекистон терма жамоасининг Филиппин ва Баҳрайнга қарши ўйинлари олдидан Тошкентда ташкил этилган йиғин қизғин кечмоқда. Самвел Бабаян бошчилигидаги бош жамоамиз Филиппин ва Баҳрайнга қарши беллашувларга жиддий тарзда ёндошмоқда. Бугундан эътиборан терма жамоа лагерига уч нафар етакчи футболчиларимиз: Одил Аҳмедов, Виталий Денисов ва Сардор Рашидов келиб қўшилишди. Бабаян ниҳоят тўлиқ таркиб билан Филиппинга қарши учрашувга тайёргарликнинг ҳал қилувчи босқичини бошлади. Кенгайтирилган таркибдан ўрин олган Достонбек Ҳамдамов, Жалолиддин Машарипов ва Жамшид Искандеров жароҳатлари боис терма жамоа йиғинини тарк этишганди. Сардор Мирзаев ва Олег Зотеевга эса Бабаян куни кеча жавоб бериб юборгани ҳақида маълумот бергандик.
Бугун терма жамоамиз қуйидаги таркиб билан шуғулланди:
Дарвозабонлар: Александр Лобанов (“Персеполис” – Эрон), Игнатий Нестеров (“Локомотив”), Элдор Суюнов (“Насаф”).
Ҳимоячилар: Даврон Хошимов (“Пахтакор”), Акром Комилов ("Бунёдкор"), Анзур Исмоилов (“Чанчунь Ятай” – Хитой), Егор Кримец (“Бейжин Гоан” – Хитой), Ислом Тўхтахўжаев (“Локомотив”), Камолиддин Тожиев (“Пахтакор”), Виталий Денисов (“Локомотив” – Россия).
Ярим ҳимоячилар: Жавоҳир Соҳибов (“Пахтакор”), Одил Аҳмедов (“Краснодар” – Россия), Азизбек Ҳайдаров (“Аш-Шабоб” – БАА), Фозил Мусаев (“Сепаҳон” – Эрон), Сардор Рашидов (“Ал-Жаиш” – Қатар), Санжар Турсунов (“Ум-Салал” – Қатар), Станислав Андреев (“Пахтакор”), Отабек Шукуров (“Бунёдкор”), Сервер Жепаров (“Локомотив”), Жасур Ҳасанов (“Локомотив”), Санжар Шоаҳмедов (“Локомотив”), Элдор Шомуродов (Бунёдкор”).
Ҳужумчилар: Александр Гейнрих (“Ордабаси”), Игорь Сергеев (“Пахтакор”), Марат Бикмаев (“Локомотив”).
Similar news
![AMP Logo](https://championat.asia/image/logo-amp.png)
Comments