Моуринью "Рома"нинг трансфер сиёсатидан норози. Клуб мураббийни тинчлантириш учун Дибалани сотиб олмоқчи

"Рома" клуби бош мураббийи Жозе Моуринью клубнинг трансфер сиёсатидан норози ва у буни яширмаяпти. Мураббийни тинчлантириш учун клуб Пауло Дибала билан келишувга эришмоқчи.

Маълумотларга қараганда, клуб ҳали Дибаланинг вакиллари билан расман алоқага чиқмаган. Дибала сўрайдиган маош клубга оғирлик қилиши мумкин. Бундан ташқари, "Рома" раҳбарияти янги футболчиларнинг агентларига ўйинчи маошининг 10% қисмидан кўпроқ пул тўлашни таъқиқлаб қўйган. Моуринью эса клуб Дибала учун истисно қилишига ишонмоқда.