Баҳром Ҳайдаров: "Ҳозирги кунда бир очко ҳам биз учун қадрли"
08 nov 20:31
News
Баҳром Ҳайдаров: "Ҳозирги кунда бир очко ҳам биз учун қадрли"
- Ўйин ҳақида фикрингиз?
- Жуда қийин баҳсни ўтказдик. "Пахтакор" қанчалик кучли эканини ҳамма билади, чемпионлик учун курашаётган жамоа. "Пахтакор"нинг ҳатто захирасида ҳам чемпионликка курашадиган жамоа бор. Майдоннинг ҳар қисмида бор кучни бериб, қаттиқ меҳнат қилибгина очко олишимиз мумкинлигини йигитларга уқтиргандик. Тан олиш керак, "Пахтакор" кўпроқ ташаббусга эга бўлди. Жамоамиз сафида эса дарвозабондан тортиб майдонга тушган ҳамма шу ўйинга борини берди. Бизда вазиятлар кўп бўлмади, битта-иккита имконият юзага келди ва гол урганимизда ютиб кетардик. Кучли жамоалар билан баҳсда ўзи вазиятлар кўп бўлмайди. Ҳозирги кунда бир очко ҳам биз учун қадрли. Ўйиндан ва натижадан жуда хурсанд эмасман, аммо қониқдим деб айта оламан.
- Кўп учрашувларда Клейди Даци ва Абдуғафур Ҳайдаров тандемини кўраётгандик, бугун эса Абдуғафурнинг ёлғиз ўзи ҳаракат қилди. Шунингдек, Шоҳруҳ Гадоев ҳам бугун майдонга тушмади.
- Гадоев аввалги тур жароҳат олиб қолди ва даволаниш билан банд. Бугун ўйнаганида жамоамизга фойдаси тегиши мумкин эди. Клейди Дацига келсак, унда микро жароҳат бор ва бор куч билан ўйнай олмасди. Шу боис захирадан майдонга туширдик.
Similar news
championat.asia
U-17 Жаҳон чемпионати. Ўзбекистон ўсмирлар терма жамоаси илк турда Парагвайни мағлуб этиб, мусобақани ғалаба билан бошлади
Суперлига. "Бухоро" ўз уйида бир киши кам "Нефтчи"дан очко тортиб олди
ЕЧЛ. "Ливерпуль" ўз уйида "Реал Мадрид"ни мағлубиятга учратди
ОЧЛ-2. "Андижон" кетма-кет тўртинчи марта 0:0 ҳисобида дуранг ўйнади
Comments
Neftchi chempion