Моуриньо "Ростов" билан ўйиндан кейин Бердиевга совға берди
17 mar 2017 11:32
News

Моуриньо "Ростов" билан ўйиндан кейин Бердиевга совға берди

Кеча "Олд Траффорд" стадионида Европа лигаси 1/8 финал жавоб учрашуви доирасида "Манчестер Юнайтед" Россиянинг "Ростов" клубини қабул қилди.

Унда "манкунианликлар" минимал ҳисобда ғалаба қозониб кейинги босқичга йўл олди.

Кечаги баҳсдан кейин "қизил иблислар" бош мураббийи Жозе Моуриньо "Ростов" кийиниш хонасига келиб мураббийларга қора қути совға қилди. "Special one" бу ҳолатни изоҳлар экан, клуб вице-президенти ва шу билан бирга мураббийлар штаби аъзоси Қурбон Бердиев ҳақида гапириб ўтди.

"Биз бир-биримиз билан танишмиз. Мен бошқарган "Интер" 2009 йили Чемпионлар лигасида "Рубин"га қарши ўйнаган. У жуда ҳам ёқимли ва одобли инсон.

Мен Ростовда ажойиб совға олдим, шунинг учун бунга жавоб қайтаришим керак эди", - деди Моуриньо.