Монтелла Балотелли нима учун Туркияни тарк этганини тушунтирди

"Адана Демирспор" бош мураббийи Винченцо Монтелла ҳужумчи Марио Балотелли нега Туркия клубидан кетганини айтиб берди.

"Марио ўтган мавсумда катта ҳисса қўшди. Биз унинг формага қайтиши ва терма жамоага чақирилишига ёрдам бердик. Ёзда у уйга яқинроқ бўлишни хоҳлади. "Сьон"нинг таклифи барча томонларни қониқтирди, шунинг учун у билан хайрлашдик. Мариога омад тилайман", – деди мутахассис.

Балотелли ўтган ёзда "Демирспор"дан "Сьон"га ўтганди. Трансфер суммаси 2,6 миллион еврони ташкил қилди.