Latest news

11:44Карлуш Кейруш: "Бир неча йил аввал Ўзбекистон футболи "уйқу"да эди"  0 11:40Карлуш Кейруш Паулу Бенту ҳақида фикр билдирди  0 11:20Ўзбекистон МТЖ эртага янги формада ҳаракат қилади  3 10:53Довбик А Сериянинг бошқа жамоасига ўтишга яқин  2 10:28Хави Симонс фаолиятини АПЛда давом эттиради (Фабрицио Романо)  4 09:57Адриен Рабьо "Милан"га ўтмайди, онаси унинг "Марсель"да қолишини истамоқда  1 09:25Ислом Исмоилов: "Жаҳон чемпионати олдидан Англия, Канада, Марокашга қарши ўйнаш жамоага куч беради"  1 08:56"Ньюкасл" Исакнинг ўрнига Германиядан ҳужумчи олиб келади  7 08:30"Ньюкасл" Исакни "Ливерпул"га сотишга рози бўлди  2 08:02Sofascore. Кечаги учрашувда Шомуродов ва Файзуллаев неча баҳога лойиқ кўрилди?  43 07:28Аморим энг ёмон натижани қайд этмоқда  5 01:51Расман: Оле-Гуннар Сульшер истеъфога чиқарилди  2 01:30Отабек Боймуродов: "Ҳар бир рақиб учун алоҳида тайёрланамиз"  3 01:08Конференциялар лигаси саралаши. "Фиорентина"дан суперкамбэк!  0 00:49Ўзбекистон U23 термаси Осиё Кубоги саралаши учун тайёргарликни давом эттирмоқда ГАЛЕРЕЯ  1

Мираброр Усмонов «Навбаҳор» футбол клуби раҳбариятини қабул қилди News

Мираброр Усмонов «Навбаҳор» футбол клуби раҳбариятини қабул қилди

Ўзбекистон футбол Федерацияси Президенти Мираброр Усмонов 30 июнь куни «Навбаҳор» футбол клуби раҳбарияти қабул қилди.
ЎФФ Президенти қабулида бўлиб ўтган учрашувда ЎзПФЛ бош директори Ф.Магаметов, «КИТО интернационал» (Сингапур) компанияси вакили сифатида Ф.Сирожиддинов, Наманган вилоят футбол федерацияси 1-вице-президенти Б.Холмирзаев, «Навбаҳор» футбол клуби президенти Т.Дадабоев, «Навбаҳор» футбол клуби вице-президенти Р.Низамбаев, «Навбаҳор» футбол клуби ижрочи директори Г.Исмаилов, «Навбаҳор» жамоаси бош мураббийи Б.Ашурматов, Ўзбекистон футболни қўллаб-қувватлаш жамоат фонди Наманган вилояти бўлими директори М.Алиханов ва клубнинг бошқа мутасаддилари иштирок этишди

Йиғилиш кун тартибидан «Навбаҳор» футбол клубига хориждан ҳомий бириктириш ва клуб моддий-техника базасини янада мустаҳкамлаш масалалари ўрин олди. Йиғилишга Ўзбекистон футбол Федерацияси Президенти Мираброр Усмонов раислик қилди.

ЎФФ Президенти клубда юзага келган молиявий муаммоларни ечишда биринчи навбатда мураббий ва футболчилардан бўлган қарздорликни бартараф этишга аҳамият қаратиш кераклигини таъкидлади: «Клубда юзага келган молиявий муаммоларни бартараф этилишида Сингапурнинг «КИТО Интернационал» компанияси томонидан ҳомийлик маблағлари ажратилади. Бунга жавобан «Навбаҳор» жамоаси мамлакат чемпионатининг иккинчи даврасини муносиб тарзда ўтказиб, ҳомийлар ишончини оқлаши талаб этилади. Ана шундагина икки томонламали ҳамкорлик муваффақиятли тарзда давом этади», - дея таъкидлади ЎФФ Президенти.

Кун тартибидан ўрин олган иккинчи масала борасида сўз юритган М.Усмонов «Навбаҳор» футбол клубининг моддий-техника базасини мустаҳкамлаш мақсадида Наманган шаҳрида жойлашган «Спорт» меҳмонхонаси ва «Навбаҳор» захира майдонини клуб балансига ўтказиб беришни таклиф қилди. Айни пайтда ушбу иншоотларни таъмирга муҳтожлигини айтиб, уларни тўлиқ қайта таъмирлаш юзасидан харажатлар лойиҳа сметасини ишлаб чиқиш ҳамда ушбу объектларни қайта таъмирлаш ишларини олиб борувчи қурилиш ташкилоти ҳақида 10 июлгача ЎФФга тўлиқ маълумот бериш вазифасини клуб президенти Т.Дадабаев зиммасига юклади. Шу билан биргаликда таъмирлаш ишларни 2015 йилнинг 1 январига қадар якунлаш муҳим аҳамиятга эга эканлигини ҳам алоҳида таъкидланди.

Йиғилиш якунида ЎФФ Президенти Мираброр Усмонов клуб раҳбарияти олдига иккинчи давра бошлангунга кадар мураббий ва футболчилардан бўлган қарздорликни тўлиқ тугатиш вазифасини қўйди.

«Навбаҳор» клуб президенти Т.Дадабоев жамоа аъзолари ва мухлислар номидан кўрсатилаётган амалий ёрдам учун ЎФФ президенти Мираброр Усмоновга ва жамоанинг янги ҳомийси вакили Ф.Сирожиддиновларга миннатдорчилик билдирди.
Rating:    

Comments

championat.asia
< show latest news
Яндекс.Метрика