"Милан" футболчиси учун Италия ва Англия грандлари курашмоқда
07 apr 2021 00:05
News

"Милан" футболчиси учун Италия ва Англия грандлари курашмоқда

"Милан" ҳали ҳам ярим ҳимоячи Хоқон Чалханоглу билан шартнома борасида келиша олмаяпти.

Футболчининг айни шартномаси ёзда якунига етади ва у клубдан йилига 5 млн евро маош талаб қилмоқда. Аммо "Милан" унга 4 млн евро бермоқчи. "La Gazzetta dello Sport" хабарига кўра, клуб таклифини оширмоқчи бўлмаяпти.

Шу боисдан туркиялик футболчи эркин агент сифатида жамоадан кетишга яқин турибди. 27 ёшли футболчи билан "Ювентус" шартнома имзолаш учун қаттиқ ҳаракат қилмоқда.

Шунингдек, "Арсенал" ва "Челси" каби клублар унинг атрофидаги вазиятни кузатиб бормоқда. Улар Хоқонга ўзи истаган маошни беришга тайёр турибди.

Хавбек ушбу мавсум А Сериянинг 24 ўйинида 2 гол ва 8 ассистни амалга оширди.

Link :

Source : La Gazzetta dello Sport

Receive latest football news directly on your phone. Subscribe for our Telegram channel!

Rating: +3