Мидори Хонда: "Бугунги натижадан ранжидим"

- Бугунги учрашув ҳақидаги фикрларингиз?

- Австралия жуда ҳам яхши жамоа. Рақибнинг имкониятларидан келиб чиқиб футболчиларимиз яхши ўйин намойиш этишди. Ўйин давомида 0:0 ҳисобини қайд этдик, аммо иккинчи бўлимда голлар ўтказиб юбордик. Якуний натижа яхши бўлмади. Иккинчи бўлимда футболчиларимизда чарчоқ аломатлари сезилди ва шу сабабли рақиб ҳисобни очди. Дастлабки голни ўтказиб юборганимиздан сўнг кайфиятимиз тушиб кетди ва шундан сўнг кейинги голларни ўтказиб юбордик. Футболчиларимиз бор кучини беришди ва имкон қадар яхши ўйин намойиш этишга ҳаракат қилишди.

- Жисмоний ҳолатимиз сабаб мағлуб бўлдик дедингиз. Терма жамоада авлодлар алмашинувини бошлаш вақти келмадими? Ёш терма жамоаларимиздан ўйинчиларни асосий терма жамоага жалб этиш керакдир балки?

- Ҳа, биз U20 терма жамоасидан кўпгина футболчиларни таркибимизга жалб этамиз ва ҳозирги кунда терма жамоамиз сафида 6 нафар ёш футболчиларимиз бор.

- Австралияда бўлиб ўтадиган жавоб ўйинидаги имкониятларимизни қандай баҳолайсиз?

- Жавоб учрашувида кўпроқ ҳужум қиламиз.

- Ўзбекистон терма жамоаси бугун асосан ҳимояланди ва рақиб дарвозасига бор йўғи бир маротаба зарба бердик. Бугунги учрашувда агрессивроқ ўйин намойиш этсак ва тўпга кўпроқ эгалик қилганимизда балки камроқ гол ўтказиб юборармидик? Ёки Австралия каби кучли терма жамоага қарши очиқ футбол намойиш этиш иложсизми?

- Машғулотларда кўпроқ тўпга эгалик қилишни машқ қилишимиз керак экан. Тўпга эгалик қилаётган чоғи рақибларимиз кўпгина ҳолатларда тўпни биздан олиб қўйди.