“Металлург” Чирчиқда йиғинни бошлади
07 jan 2020 17:20
News

“Металлург” Чирчиқда йиғинни бошлади

Бекободликлар кеча Чирчиқ шаҳрида йиғилди ва янги мавсумга тайёргарликни бошлади. Футболчилар бугун эрталаб, тиббий кўрикдан ўтказилди.

Бош мураббий Андрей Шипилов таркибда ўзгаришларга қўл уришни бошлади. Хусусан ўтган мавсум жамоа шарафини ҳимоя қилган Зафар Сафоев, Иброҳим Йўлдошев, Суҳроб Нуруллоев, Баҳром Абдураҳимов, Шавкат Муллажонов, Дониёр Усмонов ҳамда Баҳодир Пардаев жамоа билан хайрлашди.

Йўқотишлар ўрнини тўлдириш мақсадида, “Насаф”дан ҳимоячи Дониёр Нарзуллаев, “Андижон”дан ярим ҳимоячи Абдураҳмон Абдулҳақов, “Бухоро”дан Саламат Қутибоев, "Андижон"дан Шаҳзод Убайдуллаев ҳамда “Бухоро”дан ҳужумчи Мурод Бобожонов айни дамда бекободликларнинг ўқув-йиғин машғулотларида иштирок этмоқда.