Месси зилзиладан кейин Туркияга ёрдам бериш учун хайрия аукционига имзоси туширилган футболкани ҳадя қилди

6 февралга ўтар кечаси Туркияда кучли зилзила содир бўлди, бунинг оқибатида мамлакат ва аҳоли катта зарар кўрди. Сўнгги маълумотларга кўра, Туркияда қурбонлар сони 18342 кишига етган, 74 мингдан ортиқ киши жароҳатланган.

"Аталанта" ва Туркия терма жамоаси ҳимоячиси Мерих Демирал ПСЖ ҳужумчиси Лионель Мессининг имзоси туширилган либосини хайрия аукционига совға қилганини маълум қилди. Ундан тушган маблағ зилзила содир бўлган ҳудудни тиклашга сарфланади.

Аввалроқ Туркиядаги зилзила қурбонларига ёрдам бериш мақсадида Демирал кимошди савдосига қўйган Роналду, Дибала ва Бонуччининг либослари 5 миллион лирага сотилганди.