Месси фаолиятидаги 600-голини урди

Ла Лиганинг 27-турида “Барселона” Диего Симеоне шогирдларини қабул қилмоқда. Ўйинда ҳозирча каталонияликлар Лионел Мессининг жаримадан киритган голи эвазига олдинда бормоқда.

Мессининг бу голи унинг учун юбилей 600-гол бўлди. Лео 539 та голни “Барса” сафида, 61 та голни эса Аргентина терма жамоаси сафида киритган. Месси 600 та голни киритиш учун 747 та ўйин кифоя қилди.