Матбуот котибига эътиборсиз клублар лойиҳасига марҳамат!

Бу лойиҳамизни амалга оширишдан асосий мақсад, олий лига клубларидаги матбуот котибларининг клуб ва мухлислар олдидаги ўрнини кўтариш. Матбуот котиби ҳам клубнинг бир бўлаги ва у бўлмаса, клубнинг фаолиятидан не наф? Ахир матбуот котиби эмасми, клуб билан мухлис ўртасидаги воситачи. 

Олий лига 1-турида қуйидаги ўйинлар бўлиб ўтди:

Юқорида (+) қайд этилган жамоаларнинг матбуот котиблари ўйинда иштирок этганлар. (-) кўрсатилган клуб вакиллари эса ўйинда қатнашмадилар. "Бухоро" ўз тарихида ҳали бирон маротаба матбуот котибини сафар ўйинига олиб бормаган. "Андижон" эса бу ишни доимий амалга оширмайди. Натижада мухлислар ва сайт ўртасида баъзи муаммолар келиб чиқяпти. "Нефтчи" иштирокидаги матбуот анжуманлари эса ҳеч қаерда чоп этилмади. Бу борада "Нефтчи"да ҳам керакли ишларни амалга ошириш лозим. Ўйлаймизки, кейинги турларда бу муаммо бартараф этилади. 

Бу лойиҳани ҳар тур давомида амалга ошириб борамиз. Кейинчалик нафақат ўйинга борган ёки бормаганлиги, балки клуб томонидан расмий либосларни кийганлиги, керакли техника жиҳозлари билан таъминлангани борасида ҳам аниқ маълумот бериб борамиз. Зора клуб раҳбарлари уялганидан ҳам матбуот котиблари учун шароитни яратиб берса. 

Баъзи клуб матбуот котиблари қуруқ раҳматга ишлайдилар, мухлислар учун. Лекин мухлис учун, клуб матбуот котибига шароит қилиб бермаса уят бўлади. 

Яқинда катта шов-шувларга сабаб бўлган ЎФФдаги матбуот анжуманида Мираброр Зуфаровичга савол берар эканман, вилоят футбол клублари матбуот котибларига эътибор қаратмасликларини ва бу борада уларга қарши жиддий чора кўриш вақти келганини айтиб ўтдик. Ажаб эмас, футболимиз раҳбари ёнида айтилган гаплардан клубларимиз тўғри хулоса чиқаришади. Биз эса ўз навбатида мазкур статистик маълумотларни ЎФФ президентига етказишга ваъда берамиз, токи клубларимиз матбуот котибига ҳурмат билан қарамагунча.