Массимилиано Аллегри: «Ювентус» томошабоп ўйнашини истардим»
13 feb 2017 08:55
News

Массимилиано Аллегри: «Ювентус» томошабоп ўйнашини истардим»

«Ювентус» устози Массимилиано Аллегри «Кальяри»га қарши ўйиндан сўнг (2:0) ўз фикрларини билдирди.

«Игуаин вазиятлардан жуда ажойиб тарзда фойдаланади, бу янгилик эмас. У жамоага ишлаши ҳам одамни хурсанд қилади.

4-2-3-1 схемасига ўтиш фойда келтирди. Мавсум ўртасида ниманидир ўзгартиришга қарор қилдик, бунга турнир жадвалидаги ўрнимиз сабаб бўлмади. Йигитларда ўзига бўлган ишонч пайдо бўлди. .

«Ювентус» томошабоп тарзда ўйнашини истардим. «Кальяри» камчилик бўлиб қолганида биз ташаббусни қўлга олишимиз керак эди, аммо бунинг ўрнига шошилдик. Яна кўпроқ ишлашимиз керак», – дейди Аллегри.