"Машъал": Вилоят ҳокими кубогида кумуш ва бронзага эга бўлдик

Жамоалар учун мавсум олди тайёргарлик турнир вазифасини ҳам ўтаб берган ушбу турнир кескин ва муросасиз кечди. Финалга қадар Қаршининг "Насаф" жамоаси ёшлари ва биринчилик вакилларимиз "Машъал-2" етиб келди ва кубок учун майдонга чиқди.

Учрашувнинг 30 дақиқасида вакилларимиздан Таваккал Абдураҳмонов ҳисобни очди бироқ бу ҳисобни ўйин охиригача сақлаб қола олмади. Микола Лапа шогирдларига тажриба етишмади ва ўйин сўнггида кетма-кет уч тўп ўтказиб юборди. Якунда бош совринни ёш "аждарлар" қўлга киритди. "Машъал-2" эса турнирнинг кумуш медалларига эга бўлди.

Учинчи ўрин учун кечган баҳсда эса Бахтиёр Сатторов бошчилигидаги ёшлар жамоамиз "Шўртан" ёшларига қарши ўйнади ва пенальтилар баҳсида эса ёшларимиз омадлироқ чиқди.

Вилоят ҳокими кубогининг 2016 йилги баҳслари якунланди ва унда ҳар икки жамоамиз совриндорлар қаторидан жой олди.