“Машъал”: Қўзибоев ва Муртазоев шартномани узайтиришди

Жорий мавсум биринчи лигада тўпурарлик маҳоратини намойиш этган ҳужумчимиз Зоҳир Қўзибоев “Машъал” билан тузган шартномасини яна бир йилга узайтирди. Касбилик ҳужумчи бу мавсум “газчилар” сафида биринчи лига баҳсларида 20та гол уришнинг уддасидан чиқди. У биринчи босқичда 8та, иккинчи босқичда 12та гол уришнинг уддасидан чиқди.

Шунингдек, касбилик яна бир футболчи Баҳодир Муртазоев ҳам “Машъал” билан шартномасини бир йилга узайтирди. Муртазоев якунига етган биринчи лига баҳсларида 8 бор рақиблар дарвозасини ишғол қилди. У биринчи босқичда 5та, иккинчи босқичда 3 марта гол уришга муваффақ бўлди.