"Машъал" айрим футболчиларга жавоб берди

Александр Хомяков режага кўра 18 январь куни футболчиларга қисқа муддатга дам берган. Энди жамоа 22 январь куни яна Янгиерда йиғилади ва ўқув-йиғин машғулотини давом эттиради.
Таркибдаги ўзгаришларга тўхталадиган бўлсак, жамоа сафида бир неча йиллардан буён ўйнаб келаётган Акбар Ҳотамовга жавоб берилган. Ундан ташқари Элдор Эргашевга ҳам ўзига янги жамоа топиш учун руҳсат берилган.

Равшан Меҳмонов, Анвар Раҳимов, Аллаёр Реимов каби кўрикдан ўтиш учун келган ўйинчилар яна ортига қайтиб кетган.

Янги келиб қўшилганлардан Андижондан Ғиёс Комиловни айтиб ўтиш керак. Шунингдек ўтган мавсумни Олмалиқ ва Қизилқум жамоасида ўтказган Исроил Эргашев ҳам газчиларнинг бўлажак йиғинига келиб қўшилиши кутилмоқда.