“Машъал” 10 январь куни ўз қароргоҳида йиғин бошлайди
24 dec 2018 15:56
News

“Машъал” 10 январь куни ўз қароргоҳида йиғин бошлайди

Плей-офф баҳсларида иштирок этгани сабаб бошқа жамоаларга қараганда бироз кечроқ футболчиларини дамга чиқарган Муборакнинг “Машъал” клуби декабрь ойида йиғин ўтказмайди.

Муборакликлар янги мавсум тайёргарлигини январь ойидан бошлашади. “Газчилар” жамоаси 10 январь куни ўз қароргоҳида йиғилади ва машғулотларга киришади. Асосан жисмоний тикланиш устида иш олиб бориладиган мазкур йиғин 3 ҳафта давом этади.

Сўнгра февраль ойида жамоа янги мавсум олдидан ташкил этиладиган ўртоқлик мақомидаги мусобақалардан бирида қатнашишни режалаштирмоқда.