Latest news

19:51Англия Кубоги ярим финалининг тақвими тасдиқланди. "Манчестер Сити" учрашуви қайси вақтда бошланади?  0 19:30Эшпириту Санту ушбу мавсумда 3-марта АПЛда ойнинг энг яхши мураббийи деб топилди  0 19:06ЎФА ва "Локомотив" Равшан Муқимовни тақдирлади  0 19:05Суперлига. “Бухоро” — “Бунёдкор” 0:2 (матнли трансляця)  13 18:54Ўзбекистон Кубоги. "Хоразм ФА" ишончли ғалабага эришди, "Лочин" "Дўстлик" билан ўйинда камбэк қайд этиб, Суперлига жамоалари билан тўқнаш келадиган бўлди  1 18:37“Сурхон” — “Қўқон-1912”. Асосий таркиблар маълум  5 18:14"Барса" яна молиявий муаммолар гирдобида: клуб Ямални сақлаб қолиш учун Араухони сотишга мажбур  23 17:45"Ливерпуль" ва "Челси" испаниялик футболчи трансфери учун курашга киришмоқда  1 17:04Нодирбек Абдураззоқов: "ОКМКни мавсум бошида ҳеч ким эсламайди, бу ҳолат менга ёқмайди"  1 16:43Суннатилла Абдуллажонов: "Хоразм"нинг ғалабали старти биз учун кутилмаган ҳолат эмасди, очколарни мавсум якунида санаймиз"  0 16:17"Сити" афсонаси жамоадан кетаётганини эълон қилди!  20 15:59Португалиялик футбол агенти Файзуллаевнинг "Бенфика"га трансфери масаласида фикр билдирди  15 15:37Бруну 5-марта ва 2020 йилдан бери илк бор АПЛда ойнинг энг яхши футболчиси бўлди  2 15:16Пьянич: "Аббос Файзуллаев "Барселона"га ўтишни истаса, ўз орзусига ишониши ва у томон интилиши лозим"  7 14:55Нойер қайтди!  0

МАҚОЛА. Озарбайжон чемпионатида ўйнаган ўзбекистонлик футболчилар. Беляков, Насимовдан сўнг навбат Раҳмоналиевга. У ҳам ўзини кўрсата оладими? News

МАҚОЛА. Озарбайжон чемпионатида ўйнаган ўзбекистонлик футболчилар. Беляков, Насимовдан сўнг навбат Раҳмоналиевга. У ҳам ўзини кўрсата оладими?

Куни кеча ўзбекистонлик ярим ҳимоячи Умарали Раҳмоналиев Озарбайжоннинг "Сабаҳ" клуби билан шартнома тузди.

Бундан аввалроқ Жасур Жалолиддинов "Сумгайт" жамоасига бориб қўшилган эди. Мазкур мамлакат чемпионати бизнинг вакилларимизга бегона лига ҳисобланмайди. Ўз вақтида бу ерда бир нечта футболчиларимиз легионер мақомида тўп тепган ва улар орасида мухлисларнинг ёқимтойига айланганлари ҳам бўлган.


Олег Беляков ("Турон" 2004-2005, 30 та ўйин)

Ўзбекистон терма жамоасининг собиқ дарвозабони фаолияти давомида легионер сифатида Украина, Беларусь клубларидан ташқари Озарбайжон чемпионатида  ҳаракат қилган. 2004-2005 йил кипер "Турон" либосида 30 та ўйинда ҳаракат қилган ва дарвозасидан 17 та тўп олиб чиққан. Бугунги кунда ушбу жамоани туркманистонлик мутахассис Қурбон Бердиев бошқармоқда. Олег Беляков эса "Краснодар" футбол академиясида мураббийлик фаолиятини олиб бормоқда. 

Баҳодир Насимов - "Нефтчи" (Баку), "Кешля" 73 та ўйин 34 та гол 

Ҳозирда Самарқанднинг "Динамо" жамоасида фаолият олиб бораётган Баҳодир Насимов хориждаги энг яхши ўйинларини Озарбайжон чемпионатида намойиш қилган. Ҳужумчимизни Озарбайжонда жуда яхши билишади. У тўпурарлик салоҳиятини кўрсатибгина қолмай (2011/2012 16 та гол), "Нефтчи" (Баку) сафида 3 карра Озарбайжон чемпионлигини қўлга киритган . Унинг совринлари қаторида мамлакат кубогининг 2та бош соврини ҳам ўрин олган (2012/2013, 2013/2014). Насимов Баку клубига "Рубин"дан келган эди. 

Алибобо Раҳматуллаев - "Реван" 4 та ўйин 

Ўз вақтида "Бунёдкор"да порлаб чиққан, Қосимовнинг "сеҳрли таёқча"си бўлган Алибобо Раҳматуллаев фаолиятида илк бор легионер сифатида Озарбайжонда тўп тепган. 2015 йилнинг иккинчи даврасида у Премьер-Лигада иштирок этадиган "Реван" билан шартнома имзолаган эди. Аммо у ерда алданган футболчимиз кўп ўтмай ортга қайтади. 

"Реван" клубига яхши ниятлар билан боргандим. Бироқ клуб футболчиларнинг маошларини бермай алдаб юрди. "Реван" айни пайтда банкрот бўлган. Кўплаб футболчилар кетворишди. Улар энди ўз ёшларини ўйнатишмоқчи. Мендан ташқари жамоанинг етакчи футболчиси ҳам клуб билан ҳайрлашди. Кейинчалик шартномада кўрсатилган маблағдан жуда паст маош берамиз дейишди. Жамоа бош мураббийи мени қолишимни жуда хоҳлаганди. Лекин клуб шартномага амал қилмаганидан кейин қолишдан наф йўқ эди",- деган эди Алибобо Раҳматуллаев. 

Шохруҳ Гадоев - "Кешля" 7 та ўйин, 2 та гол

Тажрибали тўп тепар Шохруҳ Гадоев фаолияти давомида Корея Республикаси, Баҳрайн чемпионатларида ўйнаган. 2019 йил у "Бунёдкор" либосида бир давра тўп тепгач Озарбайжоннинг "Кешля" жамоасига йўл олади. Мазкур клубда у 7 та ўйинда майдонга тушган ва рақиблар дарвозасига 2 та тўп киритган. Чемпионат якунларига кўра учинчи ўринни қўлга киритган "Кешля" Еврокубокларга йўлланмани қўлга киритганди. Бироқ биринчи саралаш босқичидаёқ Албаниянинг "Лачи" клубига пенальтилар сериясида мағлубиятга учраган. 

Жасур Жалолиддинов ва Умарали Раҳмоналиев Озарбайжон Премьер-лигасида ўзини кўрсатишига ишончимиз комил ва уларга бу йўлда омад тилаб қоламиз. 

Rating: +1   

Comments

   
29 jan 20:56:46
Google User
Theanalyst saytiga ko'ra, Ozarbayjonning Qarabag', Zira, Sabah, Turan klublari O'zbekistonning Nasaf Navbahoridan yuqori reytingda turibdi. Qolganlar undan ham pastroqda. Qozog'istonning Astana, Qayrat, Aktobe klublari ham O'zbekiston klublaridan yuqorida joylashgan
   
29 jan 16:09:02
ㅤㅤㅤ
Жалолиддинов қайси лигада экан?
   
29 jan 10:45:32
Abdusalom Mirzayev
Ўта кучсиз лига, қирғиз, туркман ёки тожик лигаларидан устунлиги йўқ.
championat.asia
< show latest news
Яндекс.Метрика