Мануэль Нойер: "Мюнхенда бахтлиман"

- Чемпионлар лигасида рақобат кучлими ёки жаҳон чемпионатидами?

- Бу мусобақаларни тенглаштириб бўлмайди. Бу тўғри эмас. Клуб миқиёсида сиз кўпроқ жамоа билан машғулотлар ўтказасиз ва бир неча баробар кўп майдонга тушасиз. Терма жамоа эса умуман бошқа масала. Бир нарса аниқки, ҳар иккала турнир ҳам жуда юқори савиядаги мусобақалар ҳисобланади. 

- Бу мавсумда "Челси"га қарши ўйинда  пенальтилар сериясида иштирок этишга тайёрмисиз?

- Менга ўша финални эслатманг яхшиси. Ўшанда мен зинадан кўтарилаётган паллада оёқларим юришни истамаган. Ўзимни жуда ёмон ҳис этганман. Кейинги йилги финалда эса умуман акси бўлган. Жаҳон чемпионати финалидан сўнг ҳам зинадан кўтарилаётганимда ажойиб бўлганди. Буни сўз биан ифодалаб бериб бўлмайди. 

- Сизнинг "Бавария" билан тузган шартномангиз 2019 йилгача экан. Шартнома тугаганидан сўнг сиз 34 ёшда бўласиз. Бошқа чемпионатларда ўйнаб кўришни истармидингиз? Ёки фаолиятингизни Мюнхенда тугатмоқчимисиз?

- Балки фаолиятимни сўнгги икки йилида бошқа жамоада ўйнаб кўрарман. Ёки аксинча бўлар. Ҳозир шуниси аниқки, мен "Бавария"да бахтлиман.