Мане "Бавария" ҳақида: "Қизиқиш ҳақида эшитганимда ўзимни жамоада тасаввур қила бошладим"

"Агент биринчи марта "Бавария"дан қизиқиш борлиги ҳақида гапирганда жуда хурсанд бўлдим. Ўзимни жамоада тасаввур қила бошладим. Бу мен учун айни пайтда мос клуб. 

"Бавария" доимо соврин учун курашадиган, жаҳоннинг энг катта клубларидан бири. Бу ерга келиш яхши ғоя ва тўғри қарор эди. 

Агентим бошқа жамоалардан ҳам таклиф борлигини айтганди. Аммо "Бавария" мени ўз режаларига киритгани мен учун катта аҳамиятга эга бўлди. Бошқалардан кўра айнан шу лойиҳада ўзимни яхшироқ кўра олдим. 

Ҳар бир болакай, ҳар бир футболчи Чемпионлар лигасида ғалаба қозонишни орзу қилади. Ҳозир мен рақобат катта бўлган жамоадаман. Бундан ташқари, ҳали ЕЧЛ ҳақида гапиришга эрта, биз ҳали биргаликда битта ўйинда ҳам иштирок этмаганмиз. Бироқ, финалга чиқиш учун бор имкониятимизни ишга соламиз", - деди сенегаллик футболчи.