"Манчестер Юнайтед" йиллик абонементлари нархини музлатди

Бу билан клуб кетма-кет олтинчи йил абонементлар нархини "музлатди".

Шунингдек, МЮ 16 ёшдан кичик бўлган мухлислар учун нархларни ҳам туширди. Клуб "Олд Траффорд"нинг учта трибунасидаги иккинчи ярусдан ёш ишқибозлар учун 50% чегирма қилади.

Англия кубоги доирасидаги уй учрашувлари учун чипталар нархи ҳам 25%га арзонлашади. Эслатиб ўтамиз, бундай чегирма айни пайтда "Олд Траффорд"да ўтказилаётган Европа лигаси ўйинларида ҳам амалда қўлланилмоқда.

Шунингдек, олдиндан чипта банд қилишда тўланадиган тўлов ҳам бекор қилинди.

Вояга етган мухлислар учун йиллик абонементларнинг нархи 532 фунт стерлингдан бошланади.