"Манчестер Юнайтед" ҳужумчиси Шотландия чемпионатига йўл олди
13 aug 2018 14:41
News

"Манчестер Юнайтед" ҳужумчиси Шотландия чемпионатига йўл олди

"Манчестер Юнайтед"нинг 22 ёшли ҳужумчиси Жеймс Уилсон Шотландиянинг "Абердин" жамоасига ўтди.

Бу ҳақда шотланд клуби матбуот хизмати хабар берди. Уилсон "Абердин"да ижара асосида ўйнайди. Бундан ташқари, форварднинг ҳафталик 30 минг фунтлик маошининг катта қисмини манкунианликларнинг ўзлари тўлашади.

Бу ёш ҳужумчининг тўртинчи бор ижарага берилиши. Олдинроқ у "Брайтон", "Дерби" ва "Шеффилд Юнайтед" жамоаларида ўйнаган. 2015 йил у МЮ билан янги шартнома имзолаган. Унга кўра, келишув кейинги йил ёзда тугайди ва томонлар истаса уни яна бир йилга узайтиришлари мумкин.