"Манчестер Сити" "Реал" дарвозабонига қизиқмоқда

Англиянинг "Манчестер Сити" клуби Испаниянинг "Реал" жамоаси дарвозабони Андрей Лунинга қизиқиш билдирмоқда, деб хабар бермоқда "One Football".

Хабарларга кўра, "шаҳарликлар" Лунинни Саудия Арабистони чемпионатига кетиши мумкин бўлган Эдерсон Мораэс ўрнига номзод сифатида кўриб чиқмоқда. Ҳозир "шаҳарликлар" 35 млн евро миқдоридаги таклиф тайёрламоқда.

Андрей Лунин 2023/24 йилги мавсум "Реал" сафида 31 та ўйин ўтказиб, 32 та гол ўтказиб юборган, 12 та учрашувда эса дарвозани "қуруқ" сақлаган.