"Манчестер Сити" Жезусни арзон нархда "Барселона"га сотиб юбормоқчи

25 ёшли бразилиялик футболчига "Барселона" қизиқиш билдирмоқда. Marca хабарига кўра, каталонияликларга Жезусни ёзда сотиб олиш учун 30 миллион евро етарли бўлиши мумкин. Унинг бундай арзон нархда сотилиши икки омил билан боғлиқ: биринчидан, ҳужумчининг шартномаси келаси йили якунига етади, иккинчидан, "шаҳарликлар" ҳужумнинг олдинги поғонасидаги позицияни мустаҳкам эгаллайдиган Эрлинг Холанд билан шартнома имзолашга яқин турибди.

Жорий мавсум Габриэль Жезус "Сити" сафида барча турнирларда 33 та ўйинда майдонга тушиб, 7 та гол урди ва 11 та голли узатмага муаллифлик қилди.