Манба: Тожикистон собиқ устози Сегрт Ўзбекистон терма жамоаси бошқарувига келиши кутилаётган Лёвга ёрдам бериши мумкин

"Мендаги маълумотларга кўра, Тожикистон терма жамоасининг собиқ бош мураббийи Петар Сегрт германиялик мутахассис Ўзбекистон терма жамоасини қабул қилса, Йоахим Лёвнинг ёрдамчиси бўлиш имкониятини муҳокама қилган.

Сегрт Тожикистон терма жамоасидан кетганидан кейин иш топа олмади. Олаётган таклифлар шарт-шароит жиҳатидан унга мос келмайди. Балки Тожикистондан ҳам шундай таклифлар келгандир.

Ўз навбатида, менга айтишларича, 65 ёшли Йоахим Лёв сўнгги йилларда тўғри мулоқот ўрнатишда муаммоларга дуч келмоқда. Эҳтимол, бу қисман унинг узоқ танаффусига, шунингдек, Бундеслига клублари билан ишлашни истамаслиги билан боғлиқдир, чунки шундай бўлса, доимий равишда одамлар билан мулоқот қилишига тўғри келарди.

Кўриниб турибдики, Сегрт керак бўлса, ўзининг очиқлиги ва Осиёда ишлаш тажрибаси билан Лёвга ёрдам бера олади", – дейилади Троицкий хабарида.

Аввалроқ Петар Сегрт Championat.asia мухбири Абдулвосит Бектемировга эксклюзив интервью берган эди.