Лукас Эранандес жароҳат туфайли ЖЧ билан хайрлашди

Ҳимоячи Қатардаги Жаҳон чемпионати биринчи ўйинида Мэттью Леки (Австралия) билан тўқнашиб кетди  ва тиззасидан жароҳат олиб майдонни эрта тарк этишга мажбур бўлди. Ушбу жароҳат амалдаги жаҳон чемпионлари учун навбатдаги зарба бўлди. Франция турнирга тайёргарлик жараёнида бир нечта футболчилари, жумладан, асосий ҳужумчи Карим Бенземани ҳам йўқотди.

Терма жамоа устози Дидье Дешам Франция футбол федерациясининг 26 ёшли футболчининг жароҳат олганини тасдиқловчи баёнотида бу борада қисқача фикр билдирди: 

"Бутун гуруҳ, футболчилар ва ходимлар каби Лукас учун жуда афсусдаман. Биз муҳим ўйинчилардан бирини йўқотдик. Лукас – жангчи. Уни яхши биламан, жасур футболчи. Жамоа номидан унга шифо тилайман".