"Ливерпуль"нинг учинчи дарвозабони АПЛда дебют учрашувини ўтказиши мумкин. Бу рекорд натижа бўлади
16 aug 2019 19:20
News

"Ливерпуль"нинг учинчи дарвозабони АПЛда дебют учрашувини ўтказиши мумкин. Бу рекорд натижа бўлади

Айни вақтда Юрген Клопп олдида яна бир муаммо пайдо бўлди.

Унинг жамоасида икки асосий дарвозабон жароҳат олган ва Клопп энди умуман АПЛ ўйинларида майдонга тушмаган учинчи дарвозабонини туширишга мажбур бўлмоқда.

35 ёш 302 кунлик бўлиб турган Энди Лонерган эртага ўзинининг АПЛдаги илк ўйинини ўтказиши мумкин. Шу ҳолатда, у 21 асрда дебют қилган энг ёши катта англиялик сифатида тарихга киради.

Сўнгги марта шунга ўхшаш ҳолат 1999 йил август ойида кузатилган. Жон Дриер исмли футболчи (36 ёш, 57 кун) "Брадфорд Сити" сафида "Миддлсбро"га қарши ўйнаган ва АПЛда биринчи марта майдонга тушган.