Литвага қарши ўйин, мундиалга тайёргарлик борасида Равшан Элибоев қандай фикрда?

Унда Баҳодир Аҳмедов бошчилигидаги Ўзбекистон футзал терма жамоаси ҳам иштирок этади. Жаҳон чемпионати старти олдидан футзалчиларимиз Литвага қарши сўнгги ўртоқлик учрашувида майдонга тушди. Мазкур беллашувдан сўнг терма жамоамиз дарвозабони Равшан Элибоев ўз фикрлари билан ўртоқлашди.

“Бу ўйин жахон чемпионатидан олдинги охирги ўртоқлик учрашуви эди”, - дея сўз бошлади Элибоев. Шунга қарамай, биз ушбу учрашувда ҳар хил тактикаларимизни синовдан ўтказдик. Бу ўйинда ҳисоб биз учун муҳим эмас эди. Рақибимиз Литва эса ўйинга жуда яхши тайёргарлик кўргани сезилди".

Литва терма жамоаси ҳақида

“Бу Испания ёки Аргентина даражисидаги терма жамоа эмас. Биз шу даражадаги терма жамоалар билан қай тариқа ўйин намойиш этишни синовдан ўтказиб олдик. Камчиликларимиз ва ютуқ томонларимизни аниқлаб олдик.

Терма жамоанинг тайёргарлиги хусусида

“Ўзбекистон футзал терма жамоаси Жаҳон чемпионатига 200 фоиз тайёр деб ўйлайман. Насиб қилса, буни биз мусобақа давомида ўз ўйинимиз билан исботлашга бор кучимиз билан ҳаракат қиламиз. Гуруҳдаги барча рақибларимизни қуръа ташланганидан буён ўрганишда давом этмоқдамиз. Бу турнирда бирорта кучсиз терма жамоа йўқ.
Гуруҳдошларимиз Россия, Гватемала ва Миср терма жамоаларининг ҳар бири кучли ва ўз ўйин услубига эга", - дейди Равшан Элибоев.