"Лион" мухлислари футболчилардан яшил бутса киймасликни талаб қилмоқда

Adidas компаниясининг X Speedportal номли янги бутсалари яшил рангга эга ва 13 футболчи ушбу турга яқин бутсалардан фойдаланади.

Энтони Лопес, Мало Густо, Тете, Ҳуссем Ауар, Экамби каби футболчилар шу рангдаги тишли бутсалардан фойдаланади.

Жамоанинг "Троя"га қарши ўйинида (4:1) баъзи мухлислар бу рангдаги бутсалардан ғазабланишини изҳор этган баннер кўтаришди.

Баннерда яшил бутсалар тасвири бўлган ва буни таъқиқлашга оид қизил рангли белги чизилган, яъни бу урф-одатларга ҳурматсизлик маъносида қайд этилган.

Мухлисларга яшил ранг ёқмаганлигининг сабаби оддий — "Лион"нинг ашаддий рақибларидан бири "Сент-Этьен" яшил либосда ўйнайди, шу боис мухлислар бундай ўхшашликни истамайди.

Муаммо шундаки, футболчилар бутса кийиш учун компаниялар билан шартнома тузади, шунинг учун уни алмаштириш осон бўлмайди.