"Лейпциг"нинг энг яхши футболчиларидан бири йил охиригача сафдан чиқди

"Лейпциг" ярим ҳимоячиси Дани Ольмо йил охирига қадар майдонга тушмайди. Бу ҳақда "Sky Sport Germany" нашри хабар берди.

Футболчи "Кёльн"га қарши ўйинда жароҳат олиб, атиги 7 дақиқани майдонда ўтказди. Испаниялик футболчига клавикуляр бўғимнинг чўзилиши ташхиси қўйилган. Немис ОАВнинг ёзишича, футболчи йил охиригача майдонда кўриниш бермайди.

Ольмо 2020 йилдан бери "Лейпциг" сафида тўп тепади. 25 ёшли хавбек жорий мавсум барча турнирларда 7 та ўйин ўтказиб, 6 та гол урди ва 1 та голли узатмани амалга оширди.