Леонид Сенкевич: "Футболчиларим футбол ўйнашни исташмаяпти"
10 may 2018 22:18
News

Леонид Сенкевич: "Футболчиларим футбол ўйнашни исташмаяпти"

Ўзбекистон Про-лигаси 8-тури доирасида "Нурафшон" - "Локомотив-БФК" (5:0) жамоалари ўртасидаги учрашувдан кейин меҳмонлар устози Леонид Сенкевич ўз фикрларини билдириб ўтди.

"Йирик ҳисобда имкониятни бой бердик. Ўтказилган барча 5 голда ўз футболчиларимни айблайман. Негадир улар футбол ўйнашни исташмаяпти. Ваҳоланки клуб раҳбарияти футболчилар учун барча шароитларни яратиб бермоқда. Клубда молиявий томондан муаммолар йўқ. Уй учрашувларини ТТЙМИ стадионида қабул қиляпмиз. Футболчиларга бундан ортиқ яна нима керак? Ёрдамчи мураббийларим машғулотларни бугунги кун талаби даражасида олиб боришмоқда. Бугунги мағлубиятдан кейин шундай машғулотларни ўтказаётган мураббийларга ачиндим.
2016 йили Испанияда 1 ой давомида амалиёт ўтказдим. Демоқчиманки, машғулотларни ўша ерда кўрган тартибим бўйича ўтказиб, иш услубимга бошқачароқ тарзда ёндашяпман. Футболчилар эса мураббийлар меҳнатини қадрласин ва ўз касбига ҳамда футбол майдонига ҳурмат билан қарасин.
Футболда бир гап бор. Жамоа ютқазса мураббий айбдор бўлади", - деди Сенкевич.

Неъматжон Аҳмедов суҳбатлашди

Link :

Source : championat.asia

Receive latest football news directly on your phone. Subscribe for our Telegram channel!

Rating: +8