ЛегионерУз. Отабек Шукуровнинг қадами “Шаржа”га ёқди. Рашидовга-чи, “Ал-Жазира” ёқяптими?

Sharjah Cultural Club Welliton - 48', Hasan Al Hammadi - 90'

Arabian Gulf League . Round 13 22/01/2018, 17:10 0 : 2 Finished

Al-Dhafra

45'

90'

21'  Muhain Khalifa Mukhain

26'  Al Hussain Saleh

48'  Welliton

48'  Vander

66'  Lulinha (Suhail Al Mansoori)

79'  Saif Rashid Nasir (Yousif Saeed Juma)

89'  Welliton (Mohamed Ibrahim)

90'  Hasan Al Hammadi

65'  Yaser Al Juneibi (Abdullah Alseiari)

75'  Saeed Al Kathiri (Abdulla Al Jaberi)

81'  Sultan Al Shamsi (Ali Ibrahim)

Open in Match Center

Томонларнинг биринчи давра ўйинида “Ал-Дафра” худди шу ҳисобда устун келганди. Бироқ айни пайтда жамоа лигада сўнгги ўринни эгаллаб турибди. Македониялик мутахассис бошчилик қилаётган клуб ихтиёрида вазиятни ўнглаш учун яна 9 та тур бор.

Сергеев айтилгани каби “ўзбек дербиси”да қайдномага киритилмади. Унда кичик жароҳат бор. Шу ўринда Шукуров ва Сергеев масаласидаги фарқли томонга эътибор қаратишни истардим. Игорь жамоаси билан ярим йиллик шартнома тузди, яъни, мавсум охирида эркин агентга айланади. Бу нима дегани? У баҳордаёқ катта эҳтимол билан “Ал-Дафра”дан хайрлашади. Яъни, бу вақтинча қўним жойидек кўринади.

Айни пайтда Сергеевнинг агентлари унга янги клуб излаш ишлари билан банд бўлса, ажабланмайман. Ҳужумчи “Пахтакор”дан кетгач, Ўзбекистонда қола олмасди. Унга хорижий вариантлар нисбатан қизиқ экани тушунарли. Аммо таклифда ҳам гап кўп. Айтайлик, Сергеевни исталганча реклама қилиш учун имконият бор. Чунки яқин-яқингача Ўзбекистон миллий терма жамоасининг асосий ҳужумчиси бўлиб ўйнаган. Бироқ айни пайтда Игорь “Ал-Дафра” учун борини беради, деб ўйламайман. Профессионал сифатида ҳар бир ўйинда астойдил югуриши турган гап. Бироқ бу клуб дарди билан яшамоқда дегани эмас.

Шукуровда эса вазият бошқача. Уни клубнинг ўзи яхши таклиф билан чақирди. Ўз навбатида футболчи ҳам қимматли нарсаларидан воз кечишга мажбур бўлдики, ҳаммаси “Шаржа”ни кўтариш учун ва клубида асосий фигуралардан бирига айланиб олиш учун. Кечаги ғалабасига қадар ҳам “Шаржа” Шукуров 90 дақиқадан ўйнаган 2 та ўйинда зафар қучганди. Аввалига осон бўлмаган рақиб “Ан-Наср” майдонидан 2:1 ҳисобидаги ғалаба билан қайтган шаржаликлар, кейин Президент Кубогида Азиз Ҳайдаров тўп сурадиган “Ажман”ни 2:0 ҳисобида таслим этишди. Энди эса чемпионат доирасида Сергеев клуби ишончли ҳисоб билан мағлуб этилди.

Сардор Рашидов

Кўринишидан Рашидовнинг “Ал-Жазира” билан ишларида тушунмовчиликлар кўп. Жамоанинг голландиялик бош мураббийи БАА Суперкубоги ўйинида ҳам Рашидовга имконият бермади. Клублар ўртасидаги Жаҳон Чемпионатини-ку, айтмаса ҳам бўлади.

Ҳозирча футболчининг ўзи бу борада аниқ бир нарса деяётгани йўқ. Шундай вақтлар бўладики, муаммолар ҳақида гапиришни ҳам истамай қоласан. Балки мураббий кетса, ҳаммаси жойига тушар, балки Рашидовнинг ўзи “Ал-Жазира”ни тарк этиши керакдир, ким билади... Мана шундай пайтда Осиёнинг 2016 йилдаги энг яхши футболчиси Умар Абдулраҳмон Рашидовга икки марта қўнғироқ қилгани ва битта клубда ўйнашни таклиф қилгани ёдга тушади. Ҳозир “Ал-Айн” лигада пешқадам, улар яқиндагина Аҳмад Ҳалилни ҳам қўлга киритишди.

Championat.asia статистикаси