Ла лига 25-тур. “Реал Мадрид” - “Лас-Пальмас”. 6х3

Ушбу учрашув кўпчилик учун қизиқарли тус олган бўлиши табиий. Чунки Каталониянинг “Барселона” клуби турнир жадвалида “Қироллик клуби”ни таъқиб қилиб келаётганди. Бир неча турдан бери “Реал”нинг ишлари юришмаяпти.

Ҳаммаси “Валенсия”га қарши чемпионатнинг қолдирилган 16-тур учрашувидан бошланди. “Месталья”да бўлиб ўтган “Валенсия”га қарши учрашувда “Реал Мадрид” мағлубият аламини тотиб кўрди. “Кўршапалаклар"нинг ушбу ғалабаси “Барселона” клуби ва мухлисларини қувонтирган бўлса ажабмас. Зеро “Реал”нинг очко йўқотиши “Барселона”нинг уларга янада яқинроқ бўлиб олишига хаттоки турнир жадвалида пешқадам бўлиб олишга ҳам туртки беради.

Кеча “Барселона” чемпионатнинг навбатдаги турида “Спортинг Хихон” клубини қабул қилди ва рақибларини (6:1) ҳисобида янчиб ташлади. Ушбу баҳсдан 2 соат ўтиб Мадриднинг “Реал” клуби ўз уйида “Лас-Пальмас” клубини қабул қилди. Ўйин бошланишига кўп бўлмасдан “Реал Мадрид” ҳисобда олдинга чиқиб олди. Голни эса рақиблар дарвозасига Иско киритди. Орадан кўп вақт ўтмай рақиблар вазиятни ўнглади ва катта куч билан олдинга ўта бошлади. Учрашувнинг 70-дақиқасига келиб “Лас-Палмас” 2та тўп фарқи билан ҳисобда олдинга ўтиб олганди.

Ушбу баҳсни бошқариб борган ҳакам Давид Фернандес Борбалан “Реал Мадрид” рақиблар дарвозасига киритган 6та голдан 3 тасини инобатга олмади. Савол туғилиши мумкин, учрашувдаги инобатга олинмаган 3та голда ҳам “Реал” футболчиси ўйиндан ташқари ҳолатда эдими?

Иско рақиб дарвозабони билан 1 га 1вазиятга чиқиб бораётганда бош ҳакам Фернандо Барболан ўйиндан ташқари ҳолатни қайд этди.

Бундай ҳолатда мухлис ўз фикрини билдириши мумкин, журналист эса вазиятни таҳлил қилиб чиқади. Қарор эса бош ҳакам томонидан қабул қилиб бўлинган. Уни ўзгартиришга эса ҳеч кимни ҳаққи йўқ.

“Қироллик клуби” ўз уйида “Лас-Палмас”га қарши учрашувда мағлубиятга тенг дурангни қабул қилиб олди. “Реал”нинг бундай натижа қайд этиши “Барселона”нинг мусобақа рейтингида пешқадам бўлиб олишига ёрдам берди. “Реал Мадрид” захирасида “Сельта”га қарши битта ўйин бор. Ушбу учрашувда ғалаба қозонса ҳам қолган ўйинларда “Реал”нинг мағлуб бўлишига ҳаққи йўқ. Бундан ташқари “Сантьяго Бернабеу”да “Эль-классико” “Барселона”га қарши баҳс ҳам кутиб турибди.

Жаҳонгир Сотволдиев