Кроос: "Озил Германия терма жамоасига фойда келтиришдан кўра кўпроқ аҳмоқлик қилган"

"Озил терма жамоага муносиб футболчи эди. Месут билан узоқ вақт бирга ўйнаганман ва у яхши йигит эканлигини биламан. У терма жамоадаги фаолиятини якунлаб, нотўғри иш қилди. Озил сўнгги вақтларда фойда келтиришдан кўра кўпроқ аҳмоқликларга қўл урди. У терма жамоа ва Немис футбол иттифоқида ирқчилик йўқлигини яхши билади деб ўйлайман" - дейди Кроос.

Эслатиб ўтамиз, ЖЧ-2018дан олдин Озил Туркия президенти Ражаб Эрдўғон билан тушган сурати туфайли танқидларга учраган эди.

Озил 2009 йилдан бери Германия терма жамоаси шарафини ҳимоя қилган. 29 ёшли футболчи миллий жамоада 92та ўйин ўтказиб, 23та гол урди.