Криштиану Роналду ўз орзусидаги гол ҳақида айтиб ўтди
03 mar 2016 23:18
News
![](https://championat.asia/upload/storage/200430_original.jpg)
![](/upload/storage/200430_220.jpg)
Криштиану Роналду ўз орзусидаги гол ҳақида айтиб ўтди
Чемпионлар лигаси ҳақида
- Чемпионати биз учун жуда қийин кечмоқда. Испания кубогидан эса муддатидан аввал чиқиб кетдик. Биз Европа чемпионлар лигасида ҳам иштирок этяпмиз. Бу турнирдаги ғалаба орқали кўнгилсизликларни олдини олмоқчимиз. "Реал" бежизга ушбу мусобақада энг кўп зафар қучмаган. Нуфузли мусобоқада ҳали ҳеч нима бой берилмаган. Шу боис биз ЕЧЛда ғолиб бўлиш учун кўп ишлаймиз ва ушбу мавсумда нимадирга эришишни истаймиз. Римда "Рома"га қарши ўйинда яхши ҳаракат қилдик ва уйга яхши натижа билан қайтдик. Лекин бу футбол. Шу учун жавоб баҳсида ҳам диққатни бир жойга жамлай олишимиз керак. Ортиқча хотиржамликка берилмаслик лозим. Мадриддаги ўйинда ҳам жуда яхши ўйнаб, ғалаба қозонишимиз зарур.
Ўйини ҳақида
- Менинг ўйиним даражаси бу кўп йиллик меҳнатларим самараси деб биламан. Ҳеч қачон тўхтаб қолмаслик керак. Машғулотларда кўпроқ тер тўкиш зарур. Истеъдод бўлгани билан меҳнат қилиш, шуғулланиш керак. Истеъдоднинг ўзи билан кўплаб ютуқларни қўлга киритиб бўлмайди. Гап фақат бугун ҳақида эмас. Мен сўнгги 10 йиллардан буён бир хил маромда шуғулланиб, меҳнат қилиб келаман. Ўйлашимча, шу боис мен доимо юқори савияда ўйнаб келяпман. Менинг режам янада кўпроқ ишлаб, "Реал" билан кейинги йиллар ҳам совринларни ютиш, шахсий ютуқларни қўлга киритиб, ўз мухлисларимни қувонтириш. Бу нарса мени янада илҳомлантиради.
Орзусидаги гол ҳақида
- Мен фаолиятим давомида жуда кўплаб чиройли голларни ўрганман. Орзуимдаги голга келадиган бўлсак, рақибнинг барча 11 футболчисини алдаб ўтиб, дарвозани ишғол этиш. Бу каби голни асосан виртуаль футболда киритиш мумкин. Ҳаётда эса бу деярли амалга ошириб бўлмайдиган иш. Яна ким билади дейсиз.
Similar news
![AMP Logo](https://championat.asia/image/logo-amp.png)
Comments