Коронавирус хавфи туфайли Норвегия ТЖга Миллатлар Лигаси ўйинларига бориш таъқиқланди
14 nov 2020 20:55
News

Коронавирус хавфи туфайли Норвегия ТЖга Миллатлар Лигаси ўйинларига бориш таъқиқланди

Норвегия Соғлиқни Сақлаш вазирлиги Миллатлар Лигаси доирасидаги Руминия ва Австрияга қарши баҳсларга боришига рухсат бермади.

Вазирлик мазкур қарорни коронавирус пандемияси хавфи туфайли қабул қилди ва футболчилар сафардан вирусни юқтирган ҳолда қайтиш эҳтимоли борлигидан хавотирланмоқда.

Норвегия футбол ассоциацияси эса вазирликка ўйинларга кетиш учун рухсат беришни сўраб, ёзма мурожаат юборган. Ассоциация қайд этишича, терма футболчилари тўрт бор коронавирус тестидан ўтган ва 39 таҳлилнинг барчаси салбий (аниқланмаган) натижа берган.

Шунингдек, Норвегия шахсий автобусидан фойдаланиши, ўз чартер самолётида учиши ва Руминиядаги меҳмонхонада изоляция қилинган ҳолда жойлашишни режалаштиргани ҳам аниқланди.

Эслатиб ўтамиз, Норвегия – Руминия баҳси 15 ноябрда ўтказилади, Австрия билан учрашув эса 18 ноябрга белгиланган.

Link :

Source : fotball.no

Receive latest football news directly on your phone. Subscribe for our Telegram channel!

Rating: